Камчиликдан холи инсонни топиш қийин, ҳозирги замонда эса унинг камчиликларига кўзини юмадиган ёки унга тўғри тушунтириб, оммага эълон қилмасдан камчилигини тузаттиришга ҳаракат қиладиган одамни топиш қийин бўлиб қолди. Аксинча, кимдандир камчилик топишса-ю, “мен топдим, қаранг” деб жар солишга тайёр туришади. Яна журналистлар. Ёки фақат битта менга шундай туюляптими? Телеканал орқали бир ҳудудни бошқа бир ҳудуд билан адаштириб юборишибди, тамом, бутун Интернетга бу ҳақда “эълон қилинди”. Табиий савол туғилади, бу нима учун керак эди? Ўша телеканални ҳамма кўрмаган бўлиши ва камчиликни билмаган бўлиши мумкин эди, энди йўқ, энди буни ҳамма билади, телеканалга нисбатан кичкина бўлса ҳам “негатив” фикр шакллана бошлайди. Энг асосийси, ўша камчиликни аниқлаган ва ҳаммани бу ҳақда хабардор қилган электрон ОАВнинг ўзи камчиликлардан холимикан? Эртага худди шундай ҳолат ўзининг бошига тушмасмикан (тушмаслиги тарафдоримиз)?
Ҳурматли ва ҳурматини энди топаётган электрон оммавий ахборот воситалари! Танқид – танилиш услуби эмас! Сизлардан тажрибам анча кам ёки умуман тажрибам йўқ деса ҳам бўлади, лекин оддий ҳақиқатни биламан, бировнинг ғам-ташвишидан ўзининг ҳолатини яхшилашда фойдаланилмайди.
Холис бўлинг ва сизни яхши кўриб қолишади.
Холис Самимий
Odilona gap. Raxmat